Թաիլանդի ժամանակավոր կառավարության ղեկավար, գեներալ Պրայուտ Չան Օչան ազգային խորհրդարանի նիստում ընտրվել է երկրի վարչապետ։
Մայիսի 22-ին անարյուն հեղաշրջման եղանակով իշխանությունը գրաված 60-ամյա զինվորականը միակ թեկնածուն էր։ Նրա օգտին է քվեարկել 197 պատգամավորներից 191-ը, հայտնում է BBC-ի ռուսական ծառայությունը։
Խորհրդարանականների որոշումն այժմ պետք է հաստատի երկրի թագավորը։
Դեռեւս մայիսին Պրայուտ Չան Օչան ստացել էր թագավորի օրհնությունը։