Վանաձոր-Ալավերդի միջպետական ավտոճանապարհի 26-րդ կմ-ում օգոստոսի 20-ին տեղի ունեցած քարաթափման պատճառով մասամբ երթեւեկելի դարձած ավտոճանապարհն ամբողջությամբ երթեւեկելի է։

Ինչպես տեղեկանում ենք տրանսպորտի եւ կապի նախարարության լրատվական ծառայությունից, ճանապարհի մաքրման աշխատանքներն իրականացրել են «Լոռի ՃՇՇ» ՓԲԸ-ի աշխատակիցները:

Ավելի վաղ Լոռու մարզում NEWS.am-ի թղթակիցը հաղորդել էր, որ 15-րդ կմ-ում քանդվել է ճանապարհի կեսը, եթթեւեկությունը դարձել է միակողմանի, եւ եթե ճանապարհը շարունակի քանդվել, լուրջ խնդիրներ կարող են առաջանալ, քանի որ ճանապարհի աջ կողմով անցնում է Նովոսելցովո-Վանաձոր 1000մմ տրամագծով ջրատարը, որն ապահովում է Վանաձոր քաղաքի խմելու ջրի 60 տոկոսը։ Ճանապարհի 17-ում կմ-ում տեղի է ունեցել քարաթափում, ճանապարհը վարորդները մաքրել են իրենց ուժերով, այժմ միակողմանի երթեւեկելի է միայն մարդատարների համար, իսկ բեռնատարները կանգնած են խցանման մեջ։