Լիբերիայի բանակը Մոնրովիա երկրի մայրաքաղաքի ագրեսիվ տրամադրված բնակիչների նկատմամբ մարտական փամփուշտներ է կիրառել, ովքեր քարեր են շպրտել ոստիկանների ուղղությամբ եւ փորձել լքել տարածքը Էբոլա մահացու վիրուսի բռնկման պատճառով, հաղորդում է «ՌԻԱ Նովոստին»՝ վկայակոչելով «Ռեյթերին»:
«Զինվորները մարտական փամփուշտներ են օգտագործում: Նրանք չեն կրակել խաղաղ բնակիչների ուղղությամբ: Եթե փամուշտներից վիրավորներ կան, դրանք կարձանագրեն», - հայտարարել է լիբերիական բանակի ներկայացուցիչ Էլիսոն Դեսսալինը:
Ավելի վաղ հաղորդվել էր, որ Էբոլայի վիրուսով տարածված տարածքներից քաղաքի բնակիչներին փախչել քարոզող ցուցարարներին ցրելու համար ոստիկանությունը արցունքաբեր գազ է օգտագործել:
Օգոստոսի 19-ին Լիբերիայի իշխանությունները հիվանդանոց են վերադարձրել Էբոլա մահացու վիրուսով 17 հիվանդների, ովքեր անցած շաբաթ փախել են Մոնրովիի բժշկական հաստատություններից: