Հայաստանի կառավարությունը Իրաքի եզդիներին օգնելու համար 100 հազար դոլար կհատկացնի: Այդ մասին իր միկրոբլոգում հաղորդել է ԱԳՆ մամուլի քարտուղար Տիգրան Բալայանը: Նրա խոսքով՝ միջոցները կփոխանցվեն Փախստականների հարցերով ՄԱԿ-ի Գերագույն հանձնակատարի գրասենյակի միջոցով:

Հիշեցնենք, որ ավելի վաղ Հայաստանի նախագահ Սերժ Սարգսյանը եւ վարչապետ Հովիկ Աբրահամյանը քննարկել են Իրաքի եզդիներին հումանիտար օգնության համաձայնեցված ծավալների ընդլայնման հնարավորությունը:

Հայաստանի ղեկավարությունը անհանգստություն է հայտնել Իրաքի հյուսիսում եզդի բնակչության դեմ զանգվածային բռնության եւ բազմաթիվ մարդկային զոհերի կապակցությամբ: