Թուրքիայի ԱԳ նախարար Ահմեդ Դավութօղլուն սկանդալային հայտարարություն է արել՝ պնդելով, թե ահաբեկչական չի համարում «Իրաքում եւ Լեւենտում (Շամում) իսլամական պետություն» խմբավորմանը։
Թուրքական Taraf պարբերականի փոխանցմամբ՝ Թուրքիայի արտգործնախարար Ահմեդ Դավութօղլուն կրկին հրաժարվել է ահաբեկչական որակել Սիրիայում եւ Իրաքում գազանային սպանություններով աչքի ընկած ԻԼԻՊ-ին, որը վերջին շրջանում Իրաքի եզդիների ցեղասպանություն է իրականացնում։
Դավութօղլուն արդարացրել է ահաբեկիչներին՝ նշելով, թե այդ կառույցում գտնվում են թե քրդեր, թե թուրքեր եւ թե արաբներ, ովքեր կատաղած են Ասադի եւ Իրաքի իշխանությունների գործողություններից։
Հիշեցնենք, որ թուրքական բազմաթիվ պարբերականներ գրել են, որ թուրքական իշխանությունները զինամթերքով եւ գումարով աջակցում են ԻԼԻՊ-ին։