Սեպտեմբերի 1-ին Հայաստանի կառավարության անդամները, ըստ ավանդույթի, կայցելեն հանրապետության դպրոցներ: Այսօր՝ օգոստոսի 21-ին կառավարության նիստին նման առաջարկությամբ հանդես եկավ գիտության եւ կրթության նախարար Արմեն Աշոտյանը:
«Կառավարության անդամները իրենց հայեցողությամբ կարող են այցելել ցանկացած դպրոց: Եթե անհրաժեշտ դպրոցը հասնելու համար օգնության կարիք լինի, խնդրում ենք դիմել կրթության նախարարություն, այդ բոլոր հարցերը կլուծվեն: Տեղերում կառավարության անդամները պատշաճ կեպով կընդունվեն մեր նախարարության աշխատակիցների կողմից», - ասաց Աշոտյանը:
Իր հերթին, վարչապետ Հովիկ Աբրահամյանը առաջարկել է մարզպետարանների եւ Երեւանի քաղաքապետարանի հետ համաձայնեցնել այցելությունները՝ ըստ նախարարների նախընտրած դպրոցների վայրի:
