Կրթության կատարելագործման ծրագրով Հայաստանը Համաշխարհային բանկից 9,8 մլն ՀՓԻ (ընթացիկ փոխարժեքով 14,9 մլն դոլար) կստանա: Վարկային համաձայնության ծրագիրը հավանություն է ստացել կառավարության օգոստոսի 21-ի նիստի ժամանակ:
Գումարը կտրամադրվի Զարգացման միջազգային ասոցացիայի՝ (IDA) Համաշխարհային բանկի ստորաբաժանման կողմից՝ արտոնյալ վարկավորմամբ: Վարկի տոկոսագումարը տարեկան կկազմի 1,25%:
Ծրագրի նպատակը երեխաների նախադպրոցական պատրաստության բարձրացումն է, ինչպես նաեւ համալսարանների ու վարժարանների վիճակի բարելավումը (նկատենք, որ հագեցածության մակարդակով վարժարանները դեռեւս զիջում են միջնակարգ 9-ամյա դպրոցներին):
Վարկի միջոցներով նախատեսվում է վերանորոգել մանկապարտեզները, գնել նոր գույք ու կահույք, վերապատրաստել դաստիարակներին եւ այլն: Վարժարաններում նոր համակարգիչներ եւ այլլ տեխնիկա կտրամադրվեն:
