Չեչնիայի Հանրապետության ղեկավար Ռամզան Քադիրովը հայտարարել է, որ ավելի շատ գերադասում է միանալ Ղրիմի կամ Կրասնոդարի երկրամասի հետ, քան Ինգուշիայի, հաղորդում է «ՌԻԱ Նովոստին»:
«Ես նման միավորման առաջին հակառակորդն եմ: Դեռ մի քանի տարի առաջ, երբ այս գաղափարը ծագեց, ես կտրականապես դեմ էի նույնիսկ այդ հարցադրմանը», - հայտարարել է Քադիրովը:
Նրա խոսքով՝ Ինգուշիայի հետ միավորումը ոչ մի օգուտ չի բերի տարածաշրջանին, այլ միայն լրացուցիչ խնդիրներ:
«Եթե միավորվել, ապա հարուստ Կրասնոդարի երկրամասի կամ զարգացման մեծ հեռանկարներ ունեցող Ղրիմի հետ», - նշել է Քադիրովը:
Սակայն նա ուշադրությունը հրավիրեց այն հանգամանքին, որ չեչեններն ու ինգուշները եղբայր ժողովուրդներ են եւ միշտ էլ կմնան այդպիսին «ի հեճուկս մեր միջեւ տարաձայնություն հրահրելու որոշ անձանց փորձերին»: