Կալիֆորնիական Գլենդել քաղաքում անձնական տվյալներ գողանալու մեղադրանքով երկու հայի են ձերբակալել այն բանից հետո, երբ նրանց մոտ ավելի քան 100 կեղծ բանկային քարտեր են հայտնաբարել: Այս մասին գրում է «Glendale News-Press»-ը:
28-ամյա Արթուր Ղազարյանը եւ 26-ամյա Ավանես Ղազարյանը, որոնց միջեւ բարեկամական կապ չկա, ձերբակալվել են կանգառում, երբ ոստիկանությունը խուզարկել է նրանց տրանսպորտային միջոցները՝ սեւ ամենագնացն ու սպիտակ ֆուրգոնը, որտեղ, ընդհանուր առմամբ, 138 քարտ է հայտնաբերվել:
Արթուր Ղազարյանին պատկանող, սակայն նրա անվամբ չգրանցված սեւ ամենագնացի խուզարկության արդյունքում բազմաթիվ բանկային քարտեր են հայտնաբերել, չորս «iPhone» եւ իրեղեն այլ ապացույցներ, որոնք կապված են անձնական տվյալների գողության եւ ավազակության հետո:
Իսկ Ավանես Ղազարյանին պատկանող, բայց դարձյալ նրա անվամբ չգրանցված սպիտակ մեքենան խուզարկել են, երբ ոստիկանության սպաները վառելիքի սուր հոտ են զգացել: Ներսում 1135 լիտր ծավալով մետաղական տարա են գտել, որը մեկ քառորդով լցված է եղել բենզինով: Հայտնաբերվել են նաեւ բանկային քարտեր: Դրանց ստուգումը ցույց է տվել, որ բոլորի գաղտնաբառերը փոխված են այլ մարդու պատկանող բանկային քարտի տվյալների հետ:
Երկու մեքենաներն էլ Արթուր եւ Ավանես Ղազարյանների ձերբակալությունից հետո առգրավել են: Նրանք կալանքի տակ են, իսկ գրավի գումարը 1 մլն դոլար է: