Օգոստոսի 22-ին թայվանական «D-Link» ընկերությունը հանդիսավորությամբ նոր գրասենյակ է բացել Երեւանում: Բացմանը մասնակցել են Հայաստանի Էկոնոմիկայի փոխնախարարներ Գարեգին Մելքոնյանն ու Էմիլ Տարասյանը, ինչպես նաեւ «D-Link»-ի փոխնախագահ Վլադիմիր Լիպինգը:
1986 թվականին ստեղծված ընկերությունը հեռահաղորդակցության ցանցեր ու սարքավորումներ է մշակում եւ արտադրում: Գործում են ընկերության 127 մասնաճյուղեր ավելի քան 100 երկրներում:
Հայաստանում «D-Link»-ը գործունեությունը սկսել է Գյումրիում: 2012 թվականին ընկերությունը Կառավարության հետ հուշագիր է ստորագրել երկարատեւ համագործակցության մասին՝ նպատակ ունենալով Գյումրիում հետազոտությունների եւ փորձարարական կենտրոն ստեղծել: Այդ նպատակով ընկերությունը 8.5 մլն դոլար է ներդնելու:
Ներկայում D-Link-ը 12 աշխատակից ունի, մինչեւ 2015 թվականի մարտի վերջը նրանց թիվը պետք է հասնի 25-ի, եւս կես տարի անց՝ արդեն 40-ի: