Երեւանի Վաղարշյան փողոցի բնակիչ, 22-ամյա Խաչիկ Դարբինյանը մեղադրվում է 19-ամյա երիտասարդի դանակահարելու մեջ:
Օգոստոսի 18-ին 06:00-ի սահմաններում «Սուրբ Գրիգոր Լուսավորիչ» բժշկական կենտրոնից ոստիկանության բաժին ահազանգ ստացվեց, որ իրենց մոտ է տեղափոխվել 19-ամյա մի երիտասարդ՝ կրծքավանդակի կտրած-ծակած վերքով: Չնայած երիտասարդն ի վիճակի չէր հաղորդում տալու, ոստիկաններին հաջողվեց ժամերի ընթացքում բացահայտել այն կատարողին:
Պարզվեց, որ նույն օրը վիճաբանություն է տեղի ունեցել դանակահարված երիտասարդի եւ 22-ամյա Խաչիկ Դարբինյանի միջեւ Կոմիտաս պողոտայի ինտերնետային ակումբներից մեկի մոտ: Իմանալով, որ սխալ խաղադրույք է կատարել՝ Խաչիկ Դարբինյանը վիճել, այնուհետեւ դանակահարել է 19-ամյա երիտասարդին:
Խաչիկ Դարբինյանը կալանավորված է: Կատարվում է նախաքննություն:
Մանրամասները՝ ոստիկանության պատրաստած տեսանյութում:
