Մահապարտ-ահաբեկչի կողմից կառավարվող ականապատված ավտոմեքենան խոյահարել է Բաղդադի կենտրնում գտնվող հետախուզական վարչության շենքի պատերը: Պայթյունի հետեւանքով զոհվել է 8 մարդ, հաղորդում է «Ռեյթեր» գործակալությունը՝ վկայակոչելով ոստիկանների եւ բժիշկների տվյալներին:
Միջադեպը տեղ է ունեցել Իրաքի արեւմուտքում շիա զինյալների կողմից սուննիների մզկիթի վրա հարձակման (որի հետեւանքով զոհվել էր 68 մարդ) հաջորդ օրը: Ճշգրտված տվյալներով՝ շիա զինյալները ներխուժել են Իմամ Վաիս բնակավայրում գտնվող սուննիների մզկիթ եւ կրակ բաց թողել մզկիթում հավաքված աղոթող մարդկանց ուղղությամբ, փոխանցում է «ՌԻԱ Նովոստին»:
Հունիսի սկզբներին Իրաքում ակտիվացել է «Իսլամական պետություն» խմբավորումը: Մինչեւ վերջերս Սիրիայում պատերազմող զինյալները գլխավորում են Իրաքի հյուսիսային եւ արեւմտյան շրջանների վրա հարձակումը: Իրաքի իշխանությունները օգնության խնդրանքով դիմել են միջագային հանրությանը: Առավել լարված իրավիճակ է երկրի հյուսիսում, որտեղ ազգային-կրոնական փոքրամասնություն կազմող եզդիներին ցեղասպանություն է սպառնում: