Իսլանդիայի օդերեւութաբանական ծառայությունը գրանցել է սառույցի տակ Բարդարբունգա հրաբխի ժայթքում, ինչը նշանակում է Վատնայոկուդլ սառցադաշտի տաքացում:
Ծառայության աշխատակիցները բարձրացրել են ռիսկի մակարդակն ավիափոխադրողների համար մինչեւ «կարմիր» նիշ, ինչը նշանակում է,որ սառցադաշտի վրա թռիչքները խստիվ արգելվում են:
Միայն երեքշաբթիից հինգշաբթի Բարդարբունգայի շրջանում գրանցվել է տարբեր ուժգնության ավելի քան 300 ստորերկրյա ցնցում, հաղորդում է BBC-ի ռուսական ծառայությունը:
Ինչպես նշում է մասնագետ Մելիսա Փֆեֆերը, մոխրի արտանետումների հաճախականությունը կախված կլինի խառնարանի վրա գտնվող սառույցի հաստությունից:
Կանխատեսումների համաձայն՝ մագման կարող է մակերես դուրս գալ հրաբխային մոխրի քուլաների հետ, ինչը վտանգավոր է օդանավերի համար:
