Կանադայի խորհրդարանի «Կանադա-Հայաստան» բարեկամության խմբի նախագահ Հարոլդ Ալբրեխտը հույս է հայտնել, որ Հայաստանի եւ Ադրբեջանի նախագահների միջեւ հանդիպումը կհանգեցնի տարածաշրջանում հակամարտությունների թվի կրճատման:
Իր հայտարարության մեջ Ալբրեխտը նշում է, որ վերջին բախումները հանգեցրել են ավելի քան 30 զոհի, որն ավելի շատ է, քան երբեւէ 20 տարվա ընթացքում:
Օգոստոսին Ադրբեջանի հարձակումները հանգեցրել են մի իրավիճակի, որն անկայունությամբ էր սպառնում ամբողջ տարածաշրջանին: «Ինձ առավել մտահոգում են տանջանքների մասին հաղորդագրությունները: Ճգնաժամը ռազմական լուծում գոյություն չունի, եւ միջազգային իրավունքի նման խախտումները կարող են հետագա սերունդների զայրույթի պատճառ դառնալ: Կանադան կարծում է, որ բանակցություններն ու երկխոսությունը լավագույն եղանակն են նման խնդիրները կարգավորելու համար»,- հայտարարել է Ալբրեխտը:
Նրա խոսքով՝ արդեն ժամանակն է, որպեսզի տարածաշրջանի երկրների առաջնորդներն անցնեն կամուրջների շինարարության ու խաղաղության հաստատման: «Չափից շատ արյուն է անհիմն հեղվել»,- հավելել է նա:
