«Միկա» մարզադաշտի վաճառը չի խանգարի համանուն ակումբի խաղերին: Այդ մասին NEWS.am-ի թղթակցին հայտարարեց «Միկա» ֆուտբոլային թիմի նախագահ Կարլոս Զաքարյանը:
Ակումբը նախորդ սեփականատիրոջ՝ «Միկա Լիմիթեդ» հոլդինգի, օրոք մարզադաշտից օգտվում էր պայմանագրային հիմունքներով, նման կերպ կաշխատի նաեւ նոր սեփականատիրոջ հետ: «Պարզապես պայմանագիր կկնքենք եւ կսկսենք աշխատել՝ եւ մեծերի թիմը, եւ երիտասարդականը: Իսկ թե ով կլինի կլինի նոր սեփականատերը, մեզ համար սկզբունքային նշանակություն չունի:
Հիշեցնենք, որ արդարադատության նախարարության դատական ակտերի հարկադիր կատարման ծառայությունը մեկնարկային 9 մլրդ դրամով (22 մլն դոլար՝ խմբ.) աճուրդի է հանել մարզադաշտը: Աճուրդը կավարտվի սեպտեմբերի 4-ին:
