Կամբոջայի բրնձի դաշտերում վայրի առնետներ են բազմանում, որոնք նրբահամ խորտիկների միջազգային շուկայում մեծ պահանջարկ են վայելում:
Ամեն օր տասնյակ հազարավոր առնետներ են որսվում, եւ ուղարկում արտասահման, հաղորդում է BBC-ի ռուսական ծառայությունը:
Շատ երկրներում առնետներին վերաբերում է գարշանքով, քանի որ վերջիններ համարվում են վարակ տարածողներ: Սակայն Կամբոջայում արծաթագույն առենտի (Rattus argentiventer) միսը համարվում է համադամ կերակուր:
37-ամյա Չուեն Չհիմայի խոսքով՝ ամեն երեկո վերջինս առնետների 120 թակարդ է տեղադրում:
«Վայրի առնետները բոլորովին այլ են, նրանք այլ կերպ են սնվում», - Չհիմը բացատրում է վայրի առնետների եւ նրանց քաղաքային ցեղակիցների տարբերությունը, որոնց տղամարդը ուտելու համար ոչ պիտանի կրծող-վնասատու է համարում:
«Սովորական առնետները չափից շատ կեղտոտ են եւ նրանց կաշին թեփոտ է, ուստի մենք դրանց չենք որսում», - հստակեցնում է գյուղացիներից մեկը ՝ թվարկելով արծաթագույն առնետների սովորական սննդակարգը. բրնձի ոստեր, բանջարեղեն, վայրի բույսերի արմատներ:
Առնետի միսը կարելի է տապակել, խորովել, ապուր պատրաստել, պատմում է առնետների որսով զբաղվող 22-ամյա Չիեն Անը:
«Սա լավորակ միս է, եւ այն կարելի է տարբեր կերպ պատրաստել, - ասել է նա: - Վիետնամում շատ թանկ արժի, իսկ մեզ մոտ՝ կոպեկներ»: