Օգոստոսի 16-ին Բարսելոնա-Երեւան չվերթի ինքնաթիռով Հայաստան ժամանած մի քաղաքացի ոստիկանության «Զվարթնոց» օդանավակայանի գծային բաժին դիմում էր ներկայացրել, որ ժամանման սրահում անհայտ պայմաններում կորցրել է ճամփորդական պայուսակը:
Ոստիկանության մամուլի ծառայությունից հայտնում են, որ ոստիկանության «Զվարթնոց» օդանավակայանի գծային բաժնի ծառայողներն ուսումնասիրելով օդանավակայանի ժամանման սրահի, մուտքերի եւ ավտոկանգառի տեսախցիկների տեսագրությունները` պարզել են, որ պայուսակը օդանավակայանի ժամանման սրահից գողացել է անհայտ անձը:
Ձեռնարկված օպերատիվ-հետախուզական միջոցառումների շնորհիվ պարզվել է, որ գողությունը կատարել է 36-ամյա Ավագ Դ.-ն, որը օրերս Երեւան քաղաքի «Կիլիկիա» ավտոկայանից բերման է ենթարկվել գծային բաժին եւ տվել խոստովանական բացատրություն:
Գողոնը հայտնաբերված է:
Կատարվում է նախաքննություն: