Փորձագետներն օգոստոսն անվանում են ամուսնության առաջարկների առումով «ամենաբերրի» ամիսը: Եզրակացությունն արվել է ամուսնական մատանիների վաճառքով զբաղվող ոսկերչական խանութների ներկայացրած տվյալների հիման վրա: Ըստ վիճակագրության՝ մատանիների վաճառքի թեժ շրջանը հենց օգոստոսն է: Մյուս ամիսների համեմատ ամռան վերջին վաճառքի ծավալը մեկ երրորդով ավելանում է:
Ընդ որում, գնորդների 70%-ը ամուսնանում են առաջին անգամ, 15%-ը՝ երկրորդ անգամ, իսկ 19%-ն ամուսնանում են նրանց հետ, ում հետ երկար տարիներ ապրում են քաղաքացիական ամուսնությամբ: Ամուսնացողների միջին տարիքը 25-29 տարեկանն է: Սակայն նշվում է նաեւ ավելի մեծ տարիքի հարսնացուների եւ փեսացուների թվի աճը, հայտնում է Myjane-ն: