Իշխանափոխությունը բավական լուրջ գործընթաց է, իսկ Հայաստանի ընդդիմությունը երկրում իշխանափոխություն իրականացնելու համար անհրաժեշտ ռեսուրսներ չունի: Այս մասին, այսօր՝ օգոստոսի 27-ին, լրագրողների հետ հանդիպման ժամանակ հայտարարել է ՀՀԿ-ական պատգամավոր Լեռնիկ Ալեքսանյանը:
Նրա խոսքով՝ ինքը մինչ օրս ընդդիմության կողմից երկրում իշխանափոխություն իրականացնելու նախապատրաստություն չի տեսնում: «Ընդդիմությունը առաջադրվող պահանջների ճիշտ ձեւակերպման խնդիր ունի: Նրանք պետք է կարողանան ճիշտ ձեւակերպել իրենց պահանջները, որպեսզի ժողովուրդը հասկանա եւ գնա նրանց հետեւից, ոչ թե նստել ու սպասել, թե երբ հանրահավաք կհրավիրեն, որին կմասնակցի միայն մի քանի հազար մարդ եւ իշխանափոխություն իրականացնեն: Դա ճիշտ չէ»,-ասել է ՀՀԿ-ական պատգմավորը:
Նա նաեւ նշել է, որ մարզերում ոչ մի կուսակցական շտաբ չի աշխատում, ընդդիմադիր կուսակցությունները հասարակությանը տեղյակ չեն պահում իրենց հետագա պլանների մասին: