Ազգային ժողովի պատգամավոր Արտաշես Գեղամյանի որդին՝ դատախազ Մամիկոն Գեղամյանը, օգոստոսի 25-ին տեղի ունեցած ավտովթարի հետ կապ չունի: NEWS.am-ի հետ զրույցում պատգամավորը հայտնեց, որ իր որդին դեպքի պահին նույնիսկ մեքենայի մեջ չի եղել:
«Կարող եք հարցնել իրավապահ մարմիններին, իմ որդու մեքենային հարվածել է տաքսի, ինքն էլ մեջը չի եղել, ահագին ուշ ենք իմացել այդ մասին, ոչ մի մանրամասն էլ չգիտենք»,- ասաց նա:
Նշենք, որ վթարը տեղի է ունեցել օգոստոսի 25-ին ժամը 15:00-ին Երեւանի Մաշտոցի պողոտայի «Մալիբու» սրճարանի մոտ. «BYD» մակնիշի տաքսի ավտոմեքենան բախվել է կայանված «ԲՄՎ X-5» մակնիշի ավտոմեքենային, որը պատկանում է Արտաշես Գեղամյանի որդուն: Տաքսու վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
