Հայաստանի ԱԻՆ-ում, օգոստոսի 27-ին, ժամը 20.17-ին ահազանգ է ստացվել, որ Երեւանի Էրեբունի փողոցում՝ փոստային բաժանմունքի մոտակայքում, տեղի է ունեցել ավտովթար, ավտոմեքենան շրջվել է, կան տուժածներ. անհրաժեշտ է փրկարարների օգնությունը:
Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել մեկ մարտական հաշվարկ եւ հատուկ նշանակության փրկարարական աշխատանքներ իրականացնող կենտրոնի փրկարարական ջոկատը:
Պարզվել է, որ «ՎԱԶ-21010» մակնիշի 32 VL 222 համարանիշի ավտոմեքենան դուրս է եկել ճանապարհի երթեւեկելի հատվածից եւ բախվել ծառին:
Ավտոմեքենայի վարորդ 24-ամյա Հ. Մ.-ն հոսպիտալացվել է «Էրեբունի» ԲԿ, որտեղ ստանալով համապատասխան բուժօգնություն՝ դուրս է գրվել:
Հրշեջ-փրկարարները կատարել են ճանապարհի լվացման աշխատանքներ, հոսանքազրկել են ավտոմեքենան, փակել գազի բալոնի փականը:
