Ուրուգվայի պետական համալսարանի ռեկտոր է ընտրվել մաթեմատիկոս, պրոֆեսոր Ռոբերտո Մարգարյանը:
Նա, ով Ուրուգվայի պետական համալսարանը գլխավորելու է մինչև 2018 թվականը, բազմաթիվ հետազոտությունների հեղինակ է ու մեծ հեղինակություն է վայելում:
Նրա դուստր Վանիա Մարգարյանը պատմաբան է, Հայոց ցեղասպանության հարցերով հետազոտությունների հեղինակ, իսկ եղբայրը ֆուտբոլային մարզիչ Սերխիո Մարգարյանն է: Սերխիո Մարգարյանը տարբեր տարիների գլխավորել է եվրոպական հայտնի ֆուտբոլային ակումբներ, այդ թվում հունական «Պանատինայկոսը»: