Իսրայելի նախարարների ռազմա-քաղաքական կաբինետի հատուկ նիստի ընթացքում հունիսի 17-ին որոշում է կայացվել մեղմացնել Գազայի հատվածի շրջափակումը:
«Որոշում է կայացվել մեղմացնել ներկրման համակարգը, որի արդյունքում կընդլայնվի քաղաքացիական ապրանքների եւ քաղաքացիական նախագծերի իրականացման նյութերի հոսքը, որ գտնվում է միջազգային վերահսկողության տակ»,- ասված է հայտարարության մեջ:
Եվրախորհրդարանի պատգամավորները հունիսի 17-ին քվեարկելու են այսպես կոչված «Ազատության նավատորմի» դեմ իսրայելական հատուկ ուժերի հարձակումը դատապարտող բանաձեւի կապակցությամբ: Բացի այդ, խորհրդարանականները հերթական անգամ մտադիր են կոչ անել հանել լիովին վերացնելու Գազայի հատվածի շրջափակումը, հաղորդում է Vesti.ru-ն:
ԵՄ-ն պատրաստ է առաջիկայում Գազայի հատված հատուկ առաքելություն ուղարկել՝ տարածաշրջանում իրավիճակի ուսումնասիրման համար:
Գազայի հատվածի Իսրայելի կողմից շրջափակումը գործում է 2006թ. հունիսից, երբ պաղեստինյան արմատականները գերեւարել էին իսրայելցի զինվոր Գիլադ Շալիտին:
