Կալիֆորնիական Փասադենա քաղաքում սեպտեմբերի 16-ին Հայաստանում տեղեկատվական տեխնոլոգիաների ոլորտի թեմայի շուրջ քննարկում կանցկացվի: Քննարկումները կանցկացվեն «Ամերիկայի հայ ինժեներներ ու գիտնականներ» կազմակերպության նախաձեռնությամբ:
Ըստ «Asbarez»-ի, Լոս Անջելեսից երեք հայ ձեռներեցներ՝ Հարմիկ Բաղդասարյանը, Էլ Էյսայանը եւ Արամ Տեր-Մարտիրոսյանը, որոնք Հայաստանում տեղեկատվական տեխնոլոգիաների հաջողակ ձեռնարկություններ են հիմնել, կպատմեն իրենց հաջողությունների եւ դժվարությունների մասին: Նրանք կդիտարկեն, թե ինչպես է հնարավոր կենտրոնանալ եկամուտի ստացման ուղղությամբ, ինչպես հաստատել եւ պաշտպանել բարձր չափանիշներ, ինչպես մրցակցել ու աշխատել Հայաստանում եւ, որ ամենակարեւորն է, ինչպես օգտագործել ժամանակն ու ռեսուրսները:
«Սա հիանալի հնարավորություն կդառնա այն մարդկանց համար, ովքեր մտածում են Հայաստանում բարձր տեխնոլոգիաների ոլորտում բիզնես հիմնելու մասին, լսել, թե ինչպես են այդ երեք ձեռներեցները հաջողության հասել: Մենք կարող են սովորել նրանց փորձի վրա եւ կիսել ձեռներեցների հետ գաղափարներն այն մասին, թե ինչպես է հնարավոր ստեղծել այն, ինչ մարդիկ կամենում են»,- հայտարարել է «Ամերիկայի հայ ինժեներներ ու գիտնականներ» կազմակերպության նախագահ Վազգեն Յարթեմյանը:
