Ճապոնիայի պաշտպանության նախարարությունը ծրագրել է երկրի պատմության ամենախոշոր բյուջեն՝ Հարավչինական ծովում ՉԺՀ-ի հետ կոնֆլիկտի սրացման ֆոնին:
Գերատեսչությունը նախատեսում է ֆինանասավորումն ավելացնել 3,5%-ով՝ տարեկան մինչեւ 5 տրիլիոն իեն (48,7 միլիարդ դոլար):
Եթե այս թիվը հավանություն ստանա, Ճապոնիայի ՊՆ բյուջեն կավելանա երրորդ տարին անընդմեջ, նշում է BBC-ի ռուսական ծառայությունը:
Տոկիոն եւ Պեկինը կոնֆլիկտում ներգրավված են վիճելի կղզիների պատճառով, որոնք Ճապոնիայում անվանում են Սենկակու, իսկ Չինաստանում՝ Դյաոյութայ:
Ամենամյա զեկույցում Ճապոնիայի ՊՆ-ն լուրջ մտահոգություն է հայտնել Հարավչինական ծովում ՉԺՀ-ի գործողությունների կապակցությամբ, ինչպես նաեւ Հյուսիսային Կորեան անվանել «անվտանգության սպառնալիք»: