Հայաստանի տնտեսության զարգացման հեռանկարներ կան: Այդ մասին այսօր՝ օգոստոսի 29-ին, հայտարարեց Հայաստանի Հանրապետական կուսակցության գործադիր մարմնի նիստին շտապող վարչապետ Հովիկ Աբրահամյանը: Հարցին՝ ինչպե՞ս նա կարող է մեկնաբանել Հայաստանի երկրորդ նախագահ Ռոբերտ Քոչարյանի հայտարարությունը, որ Հայաստանում տնտեսական զարգացման հեռանկարներ չկան, Աբրահամյանը պատասխանեց. «Հեռանկարներ կան» եւ ուղղվեց դեպի դուռը:
Նշենք որ «Նոյյան Տապան» թերթին տրված հարցազրույցի ժամանակ Ռոբերտ Քոչարյանը հայտարարել է, որ Հայաստանի տնտեսության ապագան լավատեսորեն պատկերացնելու համար արտաքին կամ ներքին պատճառներ դեռ չունի: «Առաջացել են գլոբալ բնույթի նոր սպառնալիքներ, որոնց ազդեցության աստիճանը դեռեւս պետք է գնահատել: Ինչպե՞ս կազդեն Արեւմուտքի եւ Ռուսաստանի փոխադարձ պատժամիջոցները գլոբալ տնտեսության վրա, ինչպե՞ս կարձագանքի այդ պատժամիջոցներին ռուսական տնտեսությունը, որքա՞ն երկար այն կտեւի, պատժամիջոցները կընդլայնվե՞ն, թե՞ ոչ եւ այլն: Անհասկանալի է՝ ի՞նչ կլինի Հայաստանի տարածաշրջանային տնտեսական բաղադրիչի հետ ԵՏՄ-ին անդամակցելուց հետո (Խոսքը Իրանի եւ Վրաստանի հետ ապրանքաշրջանառության մասին է)», - նշել է Քոչարյանը: Այդ հարցերի պատասխանը չկա, սա նշանակում է, որ Հայաստանը մտել է բացասական սպասումների գոտի, հավելել է նա:
