Որոշ քաղաքական ուժեր իրենց փակուղու առջեւ են կանգնեցրել՝ սահմանադրական բարեփոխումների վերաբերյալ իրենց դիրքորոշմամբ: Այս մասին օգոստոսի 29-ին ՀՀԿ գործադիր մարմնի նիստից հետո լրագրողներին հայտարարեց կուսակցության մամուլի քարտուղար, խորհրդարանի փոխխոսնակ Էդուարդ Շարմազանովը: «Եթե խոսում ենք համակարգային փոփոխությունների անհրաժեշտության մասին, ապա կարծում եմ, որ հնարավոր չէ դրան հասնել առանց սահմանադրական բարեփոխումների»,- հավելեց նա:
«Ժողովրդավարությունն առանց երկխոսության ժողովրդավարություն չէ: Որոշ քաղաքական ուժեր իրենք էին նշում բարեփոխումների անհրաժեշտության մասին, իսկ հիմա 180 աստիիճանով շրջվել են: Կարող եմ միայն նշել. մենք սահմանադրական բարեփոխումներն անհրաժեշտ ենք համարում»,- եզրափակեց Շարմազանովը:
