Նյու Յորքի գիտնականները միջոց են գտել ժամանակակից մարդկանց ինտերնետ-կախվածությունից ազատելու համար: Ընկերների լրահոսից ու լայքերից կարող է փրկել ապագայի հագուստը:
Հագնում ես այն ու ամեն անգամ կարմրում, երբ բջջայինում ինտերնետի թրաֆիքը գերազանցում է նորման: Հագուստը հաշվում է բջջայինի տվյալները, հետեւում սոցցանցերում ակտիվությանը եւ անհետանում է համացանցով տարվելու դեպքում: Այլ կերպ ասած՝ որքան շատ եք լայք դնում, այնքան քիչ հագուստ է ձեզ վրա մնում:
Ապագայի հագուստի ստեղծողները պատմել են, որ այդկերպ որոշել են հնարավորություն տալ մարդկանց հետեւել, թե որքան ժամանակ են անցկացնում համացանցում՝ միաժամանակ բարձրացնում են տեղեկատվության գաղտնիության խնդիրը:
«Իրական կյանքում մեր մասին տվյալները չափավոր ենք հաղորդում: Յուրաքանչյուրին այնքան, որքան ցանկանում ենք: Վիրտուալ կյանքում անհնար է: Թվային աշխարհում մենք խոցելի ենք ու մերկացված»,- պարզաբանում են գիտնականները, հաղորդում է «Daily mail»-ը:
Այն հարցին, թե ինչպես են հանգել այդ գաղափարին, գիտնականները միայն գլուխներն են տարուբերում: Փոխարենը հաճույքով պատմում են, թե ինչպես հագուստը ստեղծել: Պարզվում է, նման զգեստի համար հարկավոր է եղել հետազոտության արդյունքներ սոցցանցերում մարդկանց պահվածքի մասին եւ 3D-տպող սարք:
