Իրաքցի զինվորականները եւ քրդական զինված «փեշմերգա» խմբավորումները երկրի հյուսիսում մտել են իսլամիստների կողմից շրջափակված Ամերլի քաղաք: Այս մասին հաղորդում է BBC-ի ռուսական ծառայությունը՝ վկայակոչելով Իրաքի բանակի աղբյուրներին:
Ավելի վաղ ԱՄՆ ռազմաօդային ուժերը հրթիռային հարվածներ էին հասցրել քաղաքը շրջափակած «Իսլամական պետության» գրոհայինների դիրքերին: Միաժամանակ, Ամերլի են փոխանցվել մարդասիրական օգնության բեռներ տեղի բնակիչների համար:
Նախօրեին Իրաքի բանակը շիա աշխարհազորայինների եւ քրդական ինքնապաշտպանական ուժերի զորամասերի հետ հարձակման էին անցել ջիհադականների դեմ՝ փորձելով մտնել նրանց կողմից շրջափակած քաղաք:
Ամերլիում շուրջ 15.000 իրաքյան թուրքմեն է բնակվում: