Սաուդյան Արաբիայի թագավոր Աբդուլլա իբն Աբդել Ազիզ ալ Սաուդը նախազգուշացրել է ԱՄՆ-ի ու Եվրոպայի երկրների ուղղությամբ ահաբեկիչների հնարավոր հարձակումների մասին: Այս մասին գրում է Gazeta.ru-ն՝ հղում կատարելով Associated Press-ին:
Պետության ղեկավարի խոսքով՝ ահաբեկիչները կարող են հարձակվել, եթե ԱՄՆ-ն ու Եվրոպան ծայրահեղականների դեմ միջոցներ չձեռնարկեն:
«Սա անուշադրության մատնելու դեպքում արդեն մեկ ամիս անց նրանք կհասնեն Եվրոպա, իսկ եւս մեկ ամիս անց՝ Ամերիկա»,- Էր Ռիադում օտարերկրյա դեսպանների հետ հանդիպման ժամանակ հայտարարել է թագավորը: Նա, սակայն, չի հստակեցրել, թե հատկապես որ խմբավորման կողմից է սպառնում ամենամեծ վտանգը: