Չինաստանի Հուբեյ նահանգի Շիյան քաղաքում տղամարդը հարձակում է գործել տարրական դպրոցներից մեկի վրա, որի հետեւանքով երեք մարդ մահացել է, տասնյակ մարդիկ դանակի հարվածներ են ստացել, հաղորդում է Newsru.com-ը՝ վկայակոչելով The Shanghai Daily-ն:

Չեն անունով չարագործը ներխուժել է Յունսի շրջանի Dongfang դպրոց եւ դանակի հարվածներ հասցրել ուսուցչուհուն եւ 8 աշակերտների: Դրանից հետո նա դուրս է նետվել պատուհանից եւ ընկնելով ցած մահացել:

Բոլոր տուժածներին տեղափոխել են հիվանդանոց, որտեղ նրանցից երեքը մահացել են: Մահացած աշակերտների տարիքը չի նշվում: