Արդեն երեք օր հարազատները փնտրում են Երեւանի Վ. Բրյուսովի անվան լեզվահասարակագիտական համալսարանի երկրորդ կուրսի ուսանող, Կապանի 20-ամյա բնակիչ Համո Մարգարյանին։
Կապանում NEWS.am-ի թղթակիցը հաղորդում է, որ երիտասարդը օգոստոսի 30-ին Երևանում երեկոյան 18։30-ին տնից դուրս է եկել ընկերոջը տեսնելու, բայց այդպես էլ չի զանգահարել նրան։ Մի քանի ժամ անց նա զանգահարել է բարեկամներին և հայտնել, որ կես ժամից տանը կլինի, սակայն այդպես էլ չի վերադարձել։ Համոյի քեռին՝ Եղիշե Դավթյանը, մեր թղթակցին պատմեց, որ Համոբ Երեւանի իրենց բարեկամների տանը մեկ շաբաթ պետք է սպասեր, մինչև տատիկի հետ Հրազդան տեղափոխվեին՝ ուսումնական տարում այնտեղ բնակվելու համար։ Երիտասարդը տատիկի խնամակալության տակ է. տարիներ առաջ մորն է կորցրել, հայրը Ռուսաստանի Դաշնությունում է։
Համո Մարգարյանի անհետանալու մասին հարազատները հայտնել են Ոստիկանությանը, նորություններ դեռ չկան։ Հարազատները տեսնողներին խնդրում են զանգահարել հետևյալ հեռախոսահարներով` 093 19-58-35, 055-73-55-36:
