Այսօր դժվար է ասել, թե ե՞րբ եւ ի՞նչ որոշում կկայացնի Թուրքիայի նախագահ Էրդողանը գալիք տարի ապրիլի 24-ին Երեւան այցելելու կապակցությամբ: Այս մասին, այսօր՝ սեպտեմբերի 1-ին, «Ազատություն» ռադիոկայանի հետ զրույցում նշել է Հայաստանի արտգործնախարար Էդվարդ Նալբանդյանը:
«Դեռ ժամանակ բավական կա: Դուք գիտեք, որ երբ որ ՀՀ նախագահի կողմից Թուրքիայի նախկին նախագահը հրավիրվել էր ֆուտբոլային խաղին, հրավերը ուղարկվել էր մայիսին, իսկ պատասխանը եկավ սեպտեմբերին, այսինքն՝ 4 ամիս անցել էր, եւ պատասխանը եկավ ֆուտբոլային խաղից երկու օր առաջ միայն: Թե որոշումը իրենց կողմից ե՞րբ կընդունվի, դժվար է ասել, եւ ինչ որոշում կլինի, դա թուրքերը պետք է ասեն», - ասել է Նալբանդյանը:
