Մայրաքաղաքի ծաղկապատման 2014 թվականի աշխատանքների շրջանակում այս տարի վարչական շրջաններում տնկվել է 2 միլիոն 200 հազար ծաղկասածիլ, վարդի 20000 թուփ: Եվս 20000 վարդի թուփ կտնկվի սեպտեմբերի երրորդ տասնօրյակում: Դրանք տեղ կգտնեն Երեւանի կանաչ գոտիներում, այգի-պուրակներում, նախկինում ձեւավորված ու նորաստեղծ ծաղկային տարածքներում:
Քաղաքապետարանի մամուլի ծառայությունից հայտնում են, որ գլխավոր ու երկրորդական ճանապարհների, ինչպես նաեւ քաղաքի մուտքերին հարակից սիզամարգերն ու ծաղկային գոտիներն աշնանային տունկի ընթացքում կհամալրվեն նաեւ կակաչների սոխուկներով:
