Նյու Ջերսիից շունը տարբերվել է ցեղակիցներից. նա միացրել է էլեկտրական սալիկն ու տապակել նոութբուքը: Լեյսի քաղաքի հրշեջ ծառայությունն ահազանգ է ստացել. թաղամասերից մեկի բնակիչները հայտնել են ծխի մասին, որը բարձրացել է տան տանիքից: Դեպքի վայր ժամանած փրկարարներն ու ոստիկաններն առանց դժվարության գտել են շինությունը, որից ծխի հաստ քուլաներ են բարձրացել:
Նախ հրշեջները նետվել են այրվող տան ուղղությամբ՝ ենթադրելով, որ կարող են այնտեղ մարդիկ գտնվել, սակայն սենյակները ստուգելուց հետո պարզվել է, որ տան տերերը բացակայում են: Իհարկե, տանը շուն է հայտնաբերվել, որը փրկարարների գլխավոր խնդիրն է դարձել:
Շանն անվտանգ վայր փոխադրելուց հետո հրշեջները մարել են կրակն ու ոստիկանների հետ անցել միջադեպի հետաքննությանը: Ըստ «Daily News»-ի, շուտով պարզ է դարձել, որ հրդեհի պատճառը շունն է եղել, որը տերերի բացակայության ընթացքում տանը մենակ է մնացել: Ոստիկանների խոսքով՝ շունը պատահաբար միացրել է սալիկը, թեեւ չեն հստակեցրել, թե ինչպես է նրան այդ հաջողվել:
Իրավաբանները լրագրողներին ասել են, որ նախքան տերերի գալը ոչինչ տեղի չէր ունենա, եթե սալիկի վրա նոութբուք չդնեին: Նրանք պարզաբանել են, որ շունը միացրել է այրիչներից մեկը, համակարգիչը սկսել է այրվել, ինչի արդյունքում էլ հրդեհ է բռնկվել: