Այն, որ ՌԴ վարչապետ Դմիտրի Մեդվեդեւը չի կարող գալ Հայաստան, չպետք է անհանգստության տեղիք տա: Այս մասին սեպտեմբերի 2-ին լրագրողներին ասել է ԱԺ պատգամավոր, ԱԺ ֆինանսավարկային եւ բյուջետային հարցերի հանձնաժողովի նախագահ Գագիկ Մինասյանը:
Նա նշել է, որ ԵՏՄ-ին Հայաստանի անդամակցության հետ կապված բոլոր հարցերը միանգամայն նորմալ կերպով կքննարկվեն Մինսկում ԵՏՄ պետությունների ղեկավարների հանդիպմանը:
Հիշեցնենք, որ ՌԴ վարչապետ Դմիտրի Մեդվեդեւի հավանական այցի մասին օգոստոսի 18-ին հայտարարել էր ՀՀ վարչապետ Հովիկ Աբրահամյանը` «Բազե» համահայկական երիտասարդական հավաքի ընթացքում: