Եվրամիության մի շարք երկրների ներկայացուցիչներ առաջարկել են Ռուսաստանի պաշտպանության նախարար Սերգեյ Շոյգուին ներառել պատժամիջոցների ցուցակում: Այդ մասին հաղորդում է Reuters գործակալությունը՝ վկայակոչելով դիվանագիտական աղբյուրներին:
Առաջարկվում է արգելել Սերգեյ Շոյգուի մուտքը Եվրամիություն, ինչպես նաեւ սառեցնել վերջինիս ակտիվները Եվրոպայում:
Ավելի վաղ, Իտալիայի արտաքին գոծերի նախարար Ֆեդերիկա Մոգերինին հայտարարել էր, որ սեպտեմբերի 5-ին Ռուսաստանի դեմ նոր պատժամիջոցների փաթեթի շուրջ որոշում կընդունվի:
Հունիսին Եվրամիության պատժամիջոցների ցուցակում էին հայտնվել Ռուսաստանի դաշնային անվտանգության ծառայության տնօրեն Ալեքսանդր Բորտնիկովին, արտաքին հետախուզական ծառայության տնօրեն Միխայիլ Ֆրադկովին և Չեչնիայի ղեկավար Ռամզան Քադիրովին, Ռուսաստան Անվտանգության խորհրդի քարտուղար Նիկոլայ Պատրուշեւին, Կրասնոդարի երկրամասի նահանգապետ Ալեքսանդր Տկաչեւին, հիշեցնում է Gazeta.ru-ն:
