Հայաստանից ՌԴ գյուղատնտեսական ապրանքների արտահանումը կարելի է հասցնել մինչեւ 400 միլիոն դոլարի, սեպտեմբերի 2-ին լրագրողներին հայտնել է ՀՀ Հայրենական արտադրողների միության նախագահ Վազգեն Սաֆարյանը: «Հնարավորությունների մասին դուք լավ գիտեք` դա ԵՏՄ անդամակցության Հայաստանի նախապատրաստությունն է, եւ մեկ տարով էմբարգոն` Արեւմուտքից պարենային ապրանքների ներմուծման վրա», – նշել է Սաֆարյանը:
Նա հավելել է, որ հայկական մրգերը շարունակում են պահանջված մնալ: «Ինչպես միշտ, առաջին տեղում ծիրանն է, սակայն բավական տարածված է նաեւ կեռասը, իսկ այս տարի ռուսական շուկայում նորից ուշադրություն են սկսել դարձնել նաեւ մեր դեղձին», - նշել է Սաֆարյանը: