Երեւանում արագությունը սահմանափակող նշաններ առկա են միայն 5-6 դպրոցի մոտ: Այդ մասին լրագրողներին սեպտեմբերի 2-ին հայտարարել է վարորդների իրավունքների պաշտպանության «Աքիլես» ՀԿ նախագահ Էդուարդ Հովհաննիսյանը: Նա նշել է, որ դրանք պետք է առկա լինեն յուրաքանչյուր դպրոցի մոտ, որոնք մոտ են ճանապարհին կամ այդ գոտում են գտնվում: «Մենք չենք հասկանում, թե ինչու մինչեւ այժմ չեն տեղադրել, սակայն պահանջելու ենք: Հիշեցնեմ, որ այդ նշաններն արագությունը պետք է սահմանափակեն մինչեւ 40 կմ/ժ»,- հավելել է Հովհաննիսյանը:
Ընդ որում, հավելել է նա, նշանները պետք է գործեն ժամը 08:00-ից մինչեւ 18:00-ն եւ ոչ միայն աշխատանքային օրերին, այլ նաեւ շաբաթ եւ կիրակի օրերին:
