Հունիսի 16-ի առավոտյան Լեռնային Ղարաբաղի եւ Ադրբեջանի զինված ուժերի շփման գծում արեւելյան ուղղությամբ մարտական հերթապահության ընթացքում զոհվել է ԼՂՀ Պաշտպանական բանակի շարքային Անուշավան Կիրակոսյանը: Այդ մասին տեղեկատվությունը NEWS.am-ի թղթակցի հետ զրույցում հաստատել է ԼՂՀ Պաշտպանական բանակի մամուլի քարտուղար Սենոր Հասրաթյանը:
ԼՂՀ պաշտպանական բանակի ուժերը համապատասխան միջոցներ են ձեռնարկել հակառակորդին պատժելու համար:
ԼՂՀ Պաշտպանական բանակի կողմից հրադադարի ռեժիմի խախտումներ են արձանագրվել նաեւ հունիսի 17-ի գիշերը:
Հակառակորդը փոքր տրամաչափի հրազենից եւ դիպուկահար հրացաններից գնդակոծել է Ղարաբաղի դիրքերը՝ Մեղդիլի, Աշաղա Աբդուրահմանլի, Կենգերլի եւ Թաղիբեյլի բնակավայրերի ուղղությամբ:
Արցախի Պաշտպանական բանակի ձեռնարկած պատասխան գործողություններից հետո հակառակորդը դադարեցրել է գնդակոծումները: