«Volkswagen Group»-ը հաստատել է, որ «Buggati» սեդանի նոր մոդել է մշակում: Ավտոմեքենան պետք է իր դասի մեջ ամենահզորն ու ամենաթանկը դառնա:
«Ես դեռ չեմ կարող նշել նոր մոդելի թողարկման մասաթիվը: Կարծում եմ, որ 2015թ.-ի ավարտին կլինի, կամ 2016թ.-ի սկզբին»,- պատմել է «Volkswagen Group»-ի դիզայնի բաժնի ղեկավար Վալտեր դա Սիլվան:
Նորույթը ստեղծվելու է «Galiber» հայեցակարգային մեքենայի հիման վրա, հաղորդում է «Autonews»-ը: Մեքենան կունենա 8 լիտր ծավալով շարժիչ, որն առկա է «Veyron»-ում: Շարժիչի հզորությունը կկազմի 1350 ձիաուժ, առավելագույն արագությունը՝ 450 կմ/ժ:
Սեդանի թափքի ստեղծման ժամանակ կիրառվել է ալյումին ու կարբեն: Նոր մեքենան «Bugatti» մակնիշի միակ մոդելը կլինի, ընթացիկ «Veyron» սերունդը շարքից կհանվի 2015թ.-ին: Մեքենայի մասին այլ մանրամասներ չեն հաղորդվում: Նորույթի արժեքը կկազմի 1 մլն եվրոյից սկսած:
