Քալիֆորնիայի Սան Ֆրանցիսկո քաղաքի Ա. Խաչատրյանի անվան հայկական համայնքային կենտրոնում սեպտեմբերի 12-14-ին տեղի կունենա 57-րդ ամենամյա «Հայկական բազարը» եւ խոհարարական փառատոնը, գրում է «Asbarez» թերթը:
Այս տարի փառատոնին կմասնակցեն տարբեր տարիքային խմբերի ներկայացուցիչներ: Բացի բազմաթիվ մշակութային միջոցառումներից, որը կազմակերպում է «Ամագազին» կազմակերպության Սան Ֆրանցիսկոյի մասնաճյուղը, փառատոնին տարբեր միջոցառումներ տեղի կունենան: Ելույթ կունենան երգիչ Գեւորգ Արթինյանը եւ ընկերները, կներկայացվեն ավանդական պարեր, կլինեն խաղեր եւ վիճակախաղ:
«Այս փառատոնը Սան Ֆրանցիսկոյում խոհարարական ամենահայտնի փառատոներից է: Մենք ուրախ ենք ընդունել 10 հազարից ավելի այցելուի: Դա մեզ հնարավորություն է տալիս մեր մշակույթը մատուցել ուրիշներին»,– հայտարարել է փառատոնի կոմիտեի նախագահ Վաչե Դարաքջյանը:
