Հայաստանի խորհրդարանը սեպտեմբերի 11-ին առաջին ընթերցմամբ ընդունել է դատական ակտերի հարկադիր կատարման մասին օրենքի մի շարք լրացումներ:
«Կողմ» են քվեարկել 114 պատգամավորներ, «դեմ» եւ «ձեռնպահ» չի եղել:
Խորհրդարանը երկրորդ եւ վերջնական ընթերցմամբ ընդունել է շրջակա միջավայրի վրա ազդեցության փորձաքննության մասին օրենքում փոփոխությունների եւ լրացումների մասին օրինագիծը: «Կողմ» են քվեարկել 71 պատգամավորներ, «դեմ»՝ 8-ը, «ձեռնպահ»՝ 3-ը:
Պատգամավորները քվեարկել են նաեւ «Կրթության բարելավման մասին» համաձայնագրի, ինչպես նաեւ «Կրթության բարելավման մասին» վարկային ծրագրի համար: