Ադրբեջանի նախագահ Իլհամ Ալիեւը որոշել է ենթականերին անձնական օրինակ ծառայել եւ զինվել:
Ադրբեջանում Պաշտպանական արդյունաբերության միջազգային ցուցահանդեսի ժամանակ Իլհամ Հեյդարովիչին ատրճանակ են նվիրել, հայտնում է haqqin.az-ը: Ըստ տեղեկությունների՝ նվերը Պաշտպանական արդյունաբերության նախարարության արտադրած «ամենաժամանակակից ատրճանակներից է»:
Բացի այդ, վաղը Ադրբեջանը ձեռնամուխ է լինում ծավալուն օպերատիվ-տեխնիկական զորավարժությունների՝ Ադրբեջանի ԶՈՒ բոլոր ստորաբաժանումների, ինչպես նաեւ Թուրքիայի ԶՈՒ զորամասերի ներգրավմամբ: Զորավարժությունները կշարունակվեն մինչեւ սեպտեմբերի 20 –ը:
Հիշեցնենք, նախորդ շաբաթ էլ հայ-ռուսական համատեղ զորավարժություններ էին կայացել:
