Խորհրդարանական քառյակի հաջորդ հանդիպումը կկայանա սեպտեմբերի 17-ին, որի ընթացքում կհայտարարվի համապետական հանրահավաքի օրը, հայտնել է ԱԺ «Ժառանգություն» խմբակցության ղեկավար Ռուբեն Հակոբյանը սեպտեմբերի 12-ին կայացած քառյակի հանդիպումից հետո:
Հակոբյանի խոսքով՝ այսօրվա նիստում քննարկվել է երեք հարց. «Քառյակը շարունակել է կառավարությանը ներկայացրած 12 կետերի քննարկումը, սակայն վերջնական եզրակացություն չկա, քանի որ կառավարությանը տրված ժամկետը լրանալուն դեռ մինչեւ ամսվա վերջ ժամանակ կա:
Երկրորդ հարցը, ըստ Հակոբյանի, վերաբերում է քառյակի հանրահավաքին: «Հանրահավաքին կնախորդեն այցերը ՀՀ մարզեր, որոնց ընթացքում քառյակի անդամները կհանդիպեն քաղաքացիների հետ»: