2014 թվականի տվյալներով՝ «Էյր Արմենիա» ընկերությունը նախատեսում է փոխադրել 380 հազար ուղեւոր: Այս մասին, այսօր՝ սեպտեմբերի 12-ին, լրագրողների հետ հանդիպման ժամանակ նշել է ընկերության գլխավոր տնօրեն Արսեն Ավետիսյանը:
Նրա խոսքով՝ իրենք ակնկալում են, որ ընդհանուր ուղեւորահոսքը 2014-ին կհասնի 2,2 մլն-ի:
«Ներկայումս մենք արդեն ունենք երեք օդանավ, իսկ անձնակազմը ավելացել է ավելի քան երկու անգամ: Ձգտում ենք ընդլայնել մեր ներկայությունը շուկայում: Առանձնապես չենք շտապում, գլխավորը մեզ համար վարկանիշն է: Անկեղծ ասած, հաշվի առնելով Հայաստանում ավիացիոն բիզնեսի ոչ այնքան դրական փորձը, մեզ զգուշավորությամբ են նայում: Ուստի մենք աշխատում ենք կանխավճարով եւ ավիակերոսինի, եւ օդանավակայանի կայանման վճարի, եւ օդանավերի տեխզննման առումներով»,-հավելել է նա: