Բելառուսական ձեռնարկություններն ուզում են աշխատել Գյումրիում: Այս մասին, այսօր՝ սեպտեմբերի 13-ին, լրագրողների հետ զրույցում հայտնել է Հայաստանի ԱԺ փոխնախագահ Էդուարդ Շարմազանովը՝ ՀՀ ԱԺ-ում իր բելառուս գործընկեր Վիկտոր Գուրմինսկիի հետ հանդիպումից հետո:
Նրա խոսքով՝ բելառուսական ընկերությունները հետաքրքրված են Շիրակի մարզում, մասնավորապես, Գյումրի քաղաքում, ագրոարդյունաբերական ձեռնարկությունների բացմամբ եւ զարգացմամբ: «Այդ հարցում արդեն փոխըմբռնում կա»,-ընդգծել է նա:
Շարմազանովի խոսքով՝ հայ եւ բելառուս պատգամավորները շահագրգռված են իրենց երկրների միջեւ տնտեսական շփումների ամրապնդմամբ եւ հայ-բելառուսական միջկառավարական հանձնաժողովին կառաջարկեն իրենց կազմում ընդգրկել երկու երկրների խորհրդարանների անդամների:
