Բրիտանիայում աճուրդի են հանել հնագույն սարկոֆագի կափարիչը՝ հաշվի չառնելով Եգիպտոսի դեսպանատան՝ այն վաճառքից հանելու եւ Եգիպտոս վերադարձնելու կոչերը:
Շուրջ 2,5 հազար տարվա երկմետրանոց կափարիչը հայտնաբերվել էր 40 տարի առաջ մահացած որսորդ-լրագրողի տանը, փոխանցում է BBC-ի ռուսական ծառայությունը:
Դեսպանատանը պնդում են, որ սարկոֆագը չի կարող վաճառքի հանվել, քանի որ լիցենզիա չունի:
«Սա սովորական ապրանք չէ: Պետք է հասկանալ, որ սա մշակույթի տարր է, եւ մենք իրավունք ունենք այն վերադարձնելու» , - նշել են դիվանագիտական առաքելության ներկայացուցիչները:
