Հայաստանի ԱԻՆ-ում, այսօր՝ սեպտեմբերի 13-ին, ժամը 15.29-ին ահազանգ է ստացվել, որ Կոտայքի մարզի Քանաքեռավան գյուղի վերջնամասում տեղի է ունեցել ավտովթար, կա տուժած. անհրաժեշտ է փրկարարների օգնությունը:
Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել մեկ մարտական հաշվարկ եւ հատուկ փրկարարական ջոկատի հերթապահ խումբը:
Պարզվել է, որ «ԲՄՎ» մակնիշի 35 TL 021 համարանիշով ավտոմեքենան դուրս է եկել ճանապարհի երթեւեկելի հատվածից եւ շրջվել, ինչի հետեւանքով ուղեւորը` 36-ամյա Ա. Ա.-ն, տեղում մահացել է, իսկ վարորդը` 26-ամյա Ա. Հ.-ն, հոսպիտալացվել է «Արմենիա» հանրապետական բժշկական կենտրոն:
Բժիշկները տուժածի առողջական վիճակը գնահատել են բավարար:
Փրկարարները դուրս են բերել Ա. Ա.-ի դին եւ հանձնել շտապօգնության աշխատակիցներին:
