Samsung ընկերությունը ծաղրել է իր գլխավոր մրցակից Apple-ի նորույթները, որն այս շաբաթ երկու նոր iPhone եւ iWatch ներկայացրեց:
Ըստ New York Post-ի, օրերս Samsung-ը վեց հումորային հոլովակ է թողարկել, որոնցում գլխավոր հերոսները՝ երկու «խնձորային» խորհրդատուները, քննարկում են Apple-ի նոր գաջեթները: Հոլովակներում անխուսափելիորեն հանգում են եզրակացության, որ Apple-ի նոր սմարթֆոնները կրկնօրինակում են Samsung-ի Galaxy-ներին կամ իրենց հնարավորություններով զիջում են դրանց:
Բացի այդ, հոլովակներից մեկն ընդգծում է իրական ժամանակի ռեժիմով հեռարձակման հետ կապված Apple-ի խնդիրները: Մեկ այլ հոլովակում էլ նշվում է, որ Samsung Gear S ժամացույցներն օգտագործելու համար պարտադիր չէ, որ օգտատերը սմարթֆոն օգտագործի (ի տարբերություն Apple Watch-ի):
Բոլոր տեսանյութերը տեղադրվել են YouTube-ում, եւ մի քանի օրվա ընթացքում յուրաքանչյուրը մի քանի միլիոն դիտում է ունեցել:
